世紀大Deal ？

倫交所 2019 上半年每股攤薄盈利70便士，預計全年每股攤薄盈利可達140便士，現價7,486便士，預測PE53倍, 相比港交所的29倍預測PE，高出近倍，傻的嗎；再比較盈利質素，港交所平均ROE20%，倫交所則只有15%，按盈利增長仍是港交所較好。

合併就買貴貨，不成事則繼續被老美騎住。但若然合併後，有助其金融發展，令產品、地域、交易時段更多元化，技術進一步突破，則所能創造的價值相信現在付出的溢價將來短時間內能賺回。

只是，英國佬非常重視面子，一個曾經被自己「征服」的地方，現在自己的金融中心反要當它的子公司，最後成事機會有多大？

港交所2019中期收入持平

港交所2019年年中收入85.78億，較上年同期增加4.7%，全靠投資收益增加64.8%做到個業績穩定。若只計算市場成交、上市等收入，則按年減少4.5%。

做好風險管理穿越牛熊

有感而發，近日波動市的一番領悟。當選好股票後，唔好期望能立刻升三五七成，大部分時候都需要無比耐性。就好似釣魚，幾乎九成時間都在等；有時又好似種植物，就算日日夜夜望住佢都唔會如你期望般快速成長，不如放在一邊，它始終會給你驚喜。

亂局

橫行了整個七月，結果以急跌終結。

今天來作個紀錄，方便日後重溫：
2014年香港佔中事件醞釀了好幾個月時間，日日露營霸佔中上環以至銅鑼灣一帶。
中國當時亦剛好面臨經濟發展阻力，三頭馬車出口、內需、投資中以出口數據轉弱，面對「炒股救國」政策失敗演變成股災，中國剎時多左好多窮人。

爆跌還是爆升?

雖然基本上唔會只靠技術分析入市，但這些滯後分析有時又可以參巧以判斷較佳的出入市時點。今日滿倉既我點都要定個exit plan。

恆指走勢圖顯示7月基本上橫行，後市可能爆升或者爆跌；但又睇埋6月有個上升裂口，而5月有個下降裂口（這個基本上財演都無提及），而最近又剛睇左本書，講如果先黎個下降裂口再接個上升裂口，這個叫「向上島形反轉」，後市則可能爆升。

當然影響股市走勢因素太多，就算講中左都未必代表真係因爲某個分析因素準確，又或者錯左都唔代表某個分析無用。小弟只知道現在恆指仍在歷史PE的中位數位置附近，一切只作參巧。結果如何，惜目以待！人生不就是一個永遠學習的旅程嗎？

香港樓市的下一個回合

四捨五入計，2009-2019年香港平均通脹在4%左右，樓按利率平均2%左右，實質利率是-2%，借一日賺一日。賣地面積平均20萬平方米（其中梁振英時代最多）。

下一個十年，若需求（甚至累積更多）、失業率不變，再加上美國帶頭其他國家照跟一齊QE，樓按利率恐怕連2%都冇，而通脹在大量QE後不可能沒有上升壓力，實際利率有機會負得更多。賣地面積在林鄭時代莫講話已經年年不足10萬平方米，如果再加上明日大嶼傾唔成，土地供應勢乾塘，真係經濟差都難令樓價逆轉。（陰某論角度看民主派：係咁架啦！我唔刻意製造一個養育無產窮人的環境，邊有咁多民粹選民選我呀?!）

在銀紙不值錢的時代，首十年好可能只是熱身，真正的大升市還未開始。唔好講咩美國經濟轉差、近日的政治事件等，就算1989年民運、1997年回歸、2014年佔中都分別有人睇淡香港前景而賣樓移民，後來發現原來「傻更更」肯留低的接收哂財富大轉移的機會。