香港樓市的下一個回合

四捨五入計，2009-2019年香港平均通脹在4%左右，樓按利率平均2%左右，實質利率是-2%，借一日賺一日。賣地面積平均20萬平方米（其中梁振英時代最多）。

下一個十年，若需求（甚至累積更多）、失業率不變，再加上美國帶頭其他國家照跟一齊QE，樓按利率恐怕連2%都冇，而通脹在大量QE後不可能沒有上升壓力，實際利率有機會負得更多。賣地面積在林鄭時代莫講話已經年年不足10萬平方米，如果再加上明日大嶼傾唔成，土地供應勢乾塘，真係經濟差都難令樓價逆轉。（陰某論角度看民主派：係咁架啦！我唔刻意製造一個養育無產窮人的環境，邊有咁多民粹選民選我呀?!）

在銀紙不值錢的時代，首十年好可能只是熱身，真正的大升市還未開始。唔好講咩美國經濟轉差、近日的政治事件等，就算1989年民運、1997年回歸、2014年佔中都分別有人睇淡香港前景而賣樓移民，後來發現原來「傻更更」肯留低的接收哂財富大轉移的機會。