技術陷阱?

有說投資是一種藝術，即它不是科學，精準的分析往往會出錯，因爲結果總是令人意想不到、outcomes總是變化多端。不過，投資歷史雖不會重覆，但總會押韻，這就足以令股民對投資又愛又恨。最近恒指在22,500附近開始反彈，剛發現恒指完成了完美的調整四浪，最exciting嘅五浪似即將開始。 Alright, would that be too good to be true?

機會?

 Jessie Livermore 因逢高造空美股於1930年一度成爲世界超級富豪，可惜之後的操作卻一塌糊塗令他自己再破產。1932年的沽空遇上股市大反彈七成、然後1933年做long call又遇上大市回調三成。一個炒家或者投資者，三十幾歲破產仲有時間重新來過，但五十幾歲破產想再翻新已經變得唔容易。

沒有估值概念，幾多投資老手係熊市炒底只會越炒越低，最後滿手蟹貨。即使用估值判斷入市時機亦未必次次代表盈利就在眼前。港股今年跌咗五千幾點，只是在半山腰還是已經接近底部？迎來的反彈是dead cat bounce還是新升浪開始？歷史顯示，當股市進入熊市，以2015年爲例，恒指由2萬8跌到2016年初的萬8，跌幅往往接近或超過三成!

更新

這幾年做咗爸爸，整副精力都放在陪伴家人、陪伴兩囡成長。人生，無論做丈夫做爸爸做自己都係一個學習旅程，更何況係湊B餵奶哄瞓覺陪睇書陪玩又要工作的新手爸爸。

雖然無寫blog一段時間，但其實個人投資依然繼續，一直無停過。經歷2021-2022的驚濤駭浪後，滿倉的日子終在2025年帶來不俗的回報，盈利夠full pay一層細價樓。由於兩位小朋友漸漸獨立，最近多番時間睇書，心血來潮也想準備再Update返個blog，繼續以短篇文字紀錄自己投資路上的學習和成果。

增持

今日增持一點近期弱勢的新經濟股長線持有。價值投資，並非年年有效，因此短期的成續不會太好，所以並非短線投資者所採用的方法，但是它長期是有效的；亦因為並非經常有效，所以市場才這麼多機會。

估值溢價

像過去40年美股的情況一樣，港A股的資金續漸往行業龍頭集中，其長期的表現也將跑贏非龍頭，估值溢價在更多機構投資參與下越明顯。巴菲特笑稱他的估值工作都是留在深夜獨自計算，從來沒有公開絕對的估值方法。寧要蒙糊的準確都不要精確的錯誤。如果估值真係咁直接簡單，世上最有錢的一定非會計師、精算師莫屬。

價值投資者的工作就是找到像Steve jobs、Elon musk這樣富創造性的企業家，然後把資金交給他們，共患難，耐心地等待社會價值的創造和驚喜。

堅持

今日港股投資組合突破二千萬，友人問我點慶祝好，我話都係咸魚白菜過平常日子。記得2018年雖以$239重倉港交所，但10月最低曾跌到$190以下，當晚帳面虧近百萬，心裡很難過，有點洗濕左頭的感覺。臨訓同老婆講不如有反彈就「走人」，輸少當贏。後來捱下捱下又捱到今日（中途曾經換馬），情況又唔同哂，好似發咗場夢。

投資最重要的係咩？我現在認爲係喺「正確的道路上堅持」，而堅持本身就唔容易。感恩。