最快的股東大會？

一心向公司攞半日假出席港交所股東大會，不知道是否香港人工作都很忙，眼見出席者絕大部份都是退休伯伯嬸嬸。大會一開始沒有主席演講、更沒有後來的問答環節，開門見山就測試一下投票機，爲6項事項投票：包括通過委任新董事、例牌的核數師、董事酬金、公司可否回購配售股份等，然後就散水。整個過程只約20分鐘，我心唸我趕過黎出席大會都唔止20分鐘啦。

按機投票時無意中發現坐附近的都是持100股、150股等小股東，心想在場都應該約有2、300人左右，我比到佢500人，全場總投票股數約530,000,000股（佔總發行股數42%），即平均每人約100萬股，市值計都有2億7千萬。除了台上的董事們外，台下可能仍有不少「大股東」，點解可以咁「hea」。唔通「大股東」都無意出席，只委派代表，而場內不少股民可能連公司幾時上市，幾時開通深股通都唔清楚，來就係爲左拎，贈品？

臨走時更聽到職員跟熟面口股民講「今年係咪好快手呢？」。我心想爲什麼要快？趕住攞贈品走人？我只見到董事唔會哂時間對牛彈琴，贈品只是兩包紙包飲品加支水，既慳時間又慳錢。